NOIZEANBEHIN

ENTZUN!en IKUSIA

2012-01-29T03:09:00.000-08:00

Egunotan ilusio berezia egin digun aipamena topatu dugu Entzun!-en web orrian. Urte asko dira proiektu hau ezagutzen dugula; kioskoetan erosi dugu, harpidetu egin gara, interneten jarraitu dugu eta urtekaria erosten jarraitzen dugu. Erreferentea da guretzako. Orain duela gutxiraino, Metallicak Load diskoarekin Anoetan emandako kontzertua aipatzen zuen alea gordeta genuen. Oraindik ezagutzen ez duzuenoi, bisitatzea gomendatzen dizuegu.

2012-01-26
Noizean Behin
“Errautsez urrats” EParen inguruan

Noizean Behin ez da barkutik jaitsi. Ezagutu genituenean, duela urte mordoa, metala eta rocka nahasten zituzten zegoenko. Diferentzia bakarra zera da: orain askoz hobe egiten dutela.

Errautsez urrats da bizkaitarren lan berria, zazpi kantuz osaturiko EP autoekoitzia. Disko oso landua dela antzeman daiteke lehen entzunalditik, non gitarrrek diskoaren soinu trinkoa eta osatua markatzen duten, melodiari ere bide emanez.

Irakurri dugu han-hemen Berri Txarrak-en antza dutela abesti batzuk. Ez gaude ados. Noizean Behinek nahiko soinu definitua aurkeztu du lan honetan eta bai, Lekunberriko taldearekin estiloa eta hizkuntza konpartitzen dute, baina besterik ez.

Iritziak iritzi, batik bat belarri metalzaleek gozatzeko diskoa da hau.

http://www.entzun.com/berriak/noizean-behin

AKUSTIKOA PRESTATZEN

2011-12-24T19:50:00.000-08:00

Aspaldiko asmo bati erantzunez, kantuak beste behin biluzten hasi gara, ea akustikoan nola entzuten diren.

INSONOROn IRAKURRIA

2011-11-25T05:49:00.000-08:00

Astea behar bezala bukatzeko, Jose Luis Fernandezek Insonoro webzinerako idatzi duen iruzkina uzten dizuegu bertan.

Para terminar bien la semana, os dejamos aqui la reseña que Jose Luis Fernandez ha escrito para Insonoro

¿Te gusta el rock? ¿Te gusta el metal? Si a estas dos preguntas has contestado que sí te interesa seguir leyendo. A tus manos llega "Errautsez Urrats", el último EP de Noizean Behin. Esta formación surgida en la localidad vizcaína de Gatika en 2001 nos presenta su tercer trabajo, siete temas cargados de ritmos y melodías frescas. Canciones interpretadas en euskera capaces de desatar múltiples sensaciones e introducir en este género a seguidores de otras tendencias musicales.

Con "Puzzle" comienza un repertorio de lo más variopinto. Inevitablemente en algunos momentos me recuerda a los comienzos de Gorka Urbizu en Berri Txarrak, no solo por el similar tono de la voz sino por la composición instrumental. Lo mismo sucede con determinadas estrofas de "Pandora", pista que contiene uno de los contrastes musicales más interesantes. Se observan una laboriosa rapidez melódica en "Saiak Biraka" y un sorprendente trabajo de guitarra en "Amets Egiten Dut", e "Ixchel", ambas con unos riffs alucinantes.

Las canciones que destacan son "Amildegiak" y "Hariak", a mi juicio las más completas, a pesar de no parecerse nada entre ellas. ¿Por qué digo esto? Porque en principio pasan desapercibidas, pero fijándote bien, y estudiando su estructura a fondo te das cuenta que son las que contienen una mayor elaboración y riqueza sonora. Alex, Ander e Ibai, juegan entre lo crudo y lo enérgico, lo que hace que entre ambos puntos surjan tensiones y sonidos dispares. Además es donde la batería, el bajo y la guitarra entrelazan su protagonismo por igual.

La sencillez y el estilo demostrado en los casi treinta minutos que dura el EP, nos muestra un gran avance desde que Noizean Behin publicó "Arazi" en 2007. Si siguen por este camino, les augura un futuro prometedor. Una vez escuchado su trabajo ahora solo falta disfrutarles en directo.

ROCKTOTAL-en IRAKURRIA

2011-11-17T01:54:00.000-08:00

Egunotan RockTotal-en Miguel Riverak argitaratu duen iruzkina irakurgai duzue

Ya podeis leer la reseña que Miguel Rivera ha publicado en RockTotal

Sin miedo alguno, con muchas ganas, fuerzas renovadas e ideas nuevas que plasmar en su proyecto musical NOIZEAN BEHIN es una de esas bandas con talento e ilusión provenientes de Euskadi que como suele ser nota habitual, se presta a sonidos melódicos con cosas que decir en euskera.

Siete temas que suponen una nueva etapa para la formación, llevándolo todo ellos al resultado de encontrar un nuevo EP “Errautsez Urrats” un legado que no llega a la media hora de duración (es lo que tienen 7 temas) pero que dejan muy buen sabor de boca en su final.

Rock cantado en euskera donde las melodías y las guitarras con cuerpo son la nota predominante pero ante todo el gusto por unas composiciones que varían, que ofrecen un metal rock muy Berri Txarrak en “Puzzle”, que se torna más raudo y melódico en “Saiak Biraka”, que ofrece una vena moderna de riffs en “Amets Egiten Dut”, de lo más destacable en estrofas pausadas que se arrancan a todo trapo y ofrecen ese equilibrio cambiante en “Pandora” otro gran ejemplo de contundencia bajo la buena voz de Alex, que no hace más que redondear su propuesta.

NOIZEAN BEHIN es otra de esas bandas del norte con muchas cosas que decir, que tras dos discos presenta una nueva obra con la que comenzar una nueva, y a la vista está, prometedora etapa.

Miguel Rivera

NOIZZen IRAKURRIA

2011-11-11T02:41:00.001-08:00

Martin Morenok "Errautsez urrats" gure azken EParen iruzkina argitaratu berri du Noizz webzinean. Hementxe duzue irakurgai

Martin Moreno ha publicado recientemente una reseña de nuestro ultimo EP "Errautsez urrats" en el webzine Noizz. Podeis leerlo desde aqui

Aire fresco desde el norte, concretamente desde Gatika (Bizkaia), que es donde tienen su base estos NOIZEANBEHIN desde hace ya un buen puñado de años. Y es que aquellos comienzos en 2001 han ido dando sus frutos y la banda ha vivido una evolución que tras algunos años de silencio aparente los trae de nuevo a la actualidad. Por el camino han quedado varios trabajos como “Inoiz Kontatu Ez Nizkizunak” de 2006 y “Arazi” de 2007, además de una gran cantidad de conciertos como testimonio de esta trayectoria dentro del Rock Metal vasco más actual. Así pues nos plantamos en pleno 2011 con un nuevo trabajo en forma de EP titulado “Errautsez Urrats” que muestra a una banda madura con ideas frescas.

En este EP de siete temas NOIZEANBEHIN ofrecen una buena muestra de personalidad y estilo, combinando influencias del Rock y del Metal Alternativo con una fuerte presencia de melodías interesantes. De hecho el trabajo de las guitarras recuerda en muchas ocasiones al rollo Progresivo, aunque sin perder esa sencillez e inmediatez de la música de estos vascos. Una buena manera de lograr un trabajo muy directo que a la vez ofrece sonidos y melodías bien elaboradas para dar forma a esta música tan fresca y personal que transmite mucha energía. Solo hay que escuchar las magníficas melodías de guitarra del quinto tema, “Ixchel”, para certificar la calidad de la propuesta musical del grupo.

Los siete temas que componen el EP están escritos en euskera, lo que además de potenciar la personalidad de los mismos confirma el buen estado de salud de este idioma a la hora de dar vida a propuestas nuevas y sonidos actuales. Y es que en términos generales este “Errautsez Urrats” deja muy buen sabor de boca, con la esperanza de que la banda siga profundizando y desarrollando su estilo puesto que seguro pueden aspirar a más. En cualquier caso aquí queda un trabajo muy completo de casi media hora de duración a lo largo de la cual no se baja el nivel ni un instante.

ROCKZONEn IRAKURRIA

2011-11-05T12:45:00.000-07:00

Irakurri hemen, RockZone aldizkariak 2011ko Azaroan, 75 zenbakiko “DEMO-LEDORES” atalean Pau Navarrak “Errautsez urrats” EParen inguruan eginiko iruzkina.

Podeis leer aqui la reseña publicada en el numero 75 de la revista RockZone. La firma Pau Navarra en la seccion “DEMO-LEDORES”.

RockZone

NONTZEBERRIN IRAKURRIA

2011-10-18T02:47:00.000-07:00

"Noizean Behin, berriz, Mungia inguruko hiru musikariren egitasmoa da, eta euren proposamenean rock gogor garaikidea da nagusi: gitarra riff indartsuak, ahots melodikoak eta intentsitate handiko uneak, Queens of The Stone Age, Screaming Trees eta antzeko banden erara. Oraingoan zazpi kantu bildu dituzte Errautsez Urrats EPan."

Irakurri

SAIAK BIRAKA

2011-09-27T12:14:00.001-07:00

Egunotarako lelo aproposa: ezinak ez ditzala ametsak akatu!

Igotz Ziarreta & noizeanbehin 2011

www.igotz.org

LARRAURIN IZAN GINEN

2011-09-26T08:13:00.000-07:00

Kostonen harrera ederra egin ziguten Bilbao-Asenjotarrek, lagun artean. Ondorengo kontzertuan izugarri gozatu genuen, eta parranda ere ez zen makala izan!

NOIZEANBEHIN EiTBKulturan

2011-09-20T14:37:00.000-07:00

ETB1eko EiTBKultura saioan eskeinitako elkarrizketa

KONTZERTUA LARRAURIN

2011-09-16T06:38:00.001-07:00

Irailaren 24ean, Larrauriko jai mitikoetan joko dugu berriz ere, hainbat urteren ondoren. Gau berezia izango da, ezbairik gabe!

MARTXAN

2011-08-14T04:24:00.000-07:00

Iban Gorritik Deiako Martxan gehigarrian idatziriko artikulua duzue hemen irakurgai

Open publication - Free publishing - More artikulua

GOMENDAGARRIA, ZALANTZARIK GABE

2011-07-26T06:21:00.000-07:00

2011ko Uztail/Abuztuko alean, Mondosonoro aldizkariak bere Euskal Herriko edizioan, "Errautsez urrats" EParen iruzkina kaleratu du Zarata gehigarriaren barruan:

Azkar pasatzen dira bizkaitarren disko berriaren zazpi kantak. Freskotasuna transmititzen duten atmosferek, gitarraren soinu bereziek eta ahotsaren ezohiko tratamenduek atentzioa erakartzea lortzen dute berehala. "Hariak", "Ixchel" (amaierako teklatuen sorpresarekin), "Saiak biraka" edo "Puzzle" bezalako piezek aurreneko lanetatik ezberdintzeko nahia islatu lezakete. Talde gomendagarria, zalantzarik gabe. U.A.

Hemen irakur dezakezue ale osoa.

GAZTEZULON ELKARRIZKETA

2011-07-18T03:22:00.000-07:00

Gaztezulokoek elkarrizketa bat argitaratu berri digute euren web orrian. Beste behin ere, eskerrak eman nahi dizkiegu, bai "Errautsez urrats" EPa aldizkariarekin batera banatzea onartu izanagatik, eta orain elkarrizketa hau egin izanagatik. Igone, Saioa eta GazteZuloko lan talde osoari, mila esker!

Irakurri elkarrizketa

"ERRAUTSEZ URRATS" GAZTEZULOREKIN DEBALDE

2011-07-01T05:24:00.001-07:00

Uztaileko alearekin batera, Gaztezulo aldizkariak Euskal Herri osoan zehar dituen harpidedunen artetik 500ek “Errautsez urrats” EParen kopia bana jasoko dute musutruk euren etxeetan.

ANDER ETA BERE INSTRUMENTUA

2011-06-30T02:50:00.000-07:00

Aldizkarietan ageri ohi diren baterijole hoietako bat bailitzan dabil gure Ander bere instrumentu berriarekin

IUJUUUUUUUUU!!!

2011-06-23T03:27:00.001-07:00

Baietz! Irabazi dugula! Mundakako I. Musika Lehiaketako saria eskuratu dugu eta horri esker larunbat honetan, Ekainak 25ean 21:30tatik aurrera U-26 eta Last Hope taldeekin batera arituko gara plazan!

BONBERENEAN IZAN GINEN

2011-05-17T01:24:00.000-07:00

(Zuri beltzezko argazkiak Alain "Alerta"renak dira, kamerino eta kontzertukoak Bonbereneakoak, eta pre eta postekoak Julen EROrenak)

Esan bezala, Bonbereneakoa kontzertu berezia zen hainbat arrazoigatik. Urte ta pikuren ondoren taula gainera itzultzen ginen, zer eta lan berria aurkezteko. Hori gutxi balitz, EROko lagunekin batera gindoazen, estimu berezia diogun proiektu berria berau, aspaldiko lagunminek osatzen dutena (Ibai ere taldearen hastapenetan ibili zen). Gainera, Bonbereneak berezko duen xarmaz gain, guretzako leku esanguratsua da, bertan bizi izandakoengatik. Esan dezakegu ERO bezalako egitasmoa martxan jartzearen arrazoietako bat, Bonbereneako giro aparteko gau haietan aurki dezakegula.

Beraz, aldez aurretik gogo izugarriekin joan ginen Tolosarantza. Barre artean igaro genuen eguna (eta baita gaua ere bai), gaztetxeko lan taldeak ezin hobeto zaindu gintuen beste behin, eta gure sorpresarako, emanaldiaren orduan lagun batzuk poztu gintuzten. Bereziki Alvaro eta Oscar, Materia ohiak, Bonbereneako atera gerturatzen ikusi genituenean.

Kontzertuak eta ondorengoak ere bai apartekoak izan ziren. Anderrek batez ere, Bonbereneako lur gogorrak lo egiteko dakartzan onuren oroitzapen ederrak gordeko ditu bizi osorako.

Mila esker denoi. Oraintxe bertan sinatuko genuke hemendik aurrerako gau guztiak horrelakoak izateko.

JEITSI "ERRAUTSEZ URRATS" DOHAN

2011-04-04T02:49:00.000-07:00

Gure webgune berriaren “Deskargak” atalean “Errautsez urrats” EPa deskargatu dezakezue osorik eta dohan. Zabaldu hitza!

BONBERO

2011-04-02T01:57:00.001-07:00

Duela urte batzuk Ilaski Serranok irratian eginiko elkarrizketa batetan galdetu zigun, ea zein lekutan jo nahiko genukeen. Donington, Madison Square Garden edo horrelako astokeriren bat esan beharrean, Tolosako Bonbereneara joan nahi genuela esan genuen. Eta joan gara, hainbat alditan, Pog Mo Thon edo Biokeko lagunekin batera, baina sekula ez dugu oholtza horretan jotzeko aukerarik. Orain arte. Izan ere maiatzaren 7an bertan arituko gara, eta gainera, talde berezi batekin batera. Hitz egin dizuegu hemen ere ERO taldeaz, Pog Mo Thon, Biok, Muted eta Springfieldeko lagunminek martxan jarritako proiektua, eta esan beharra dago, talde honen hastapenetan Ibai ere hortxe ibili zela. Beraz, esan gabe doa, kontzertu honek ilusio berezia egiten digula.

ERRAUTSEZ URRATS

2011-03-30T13:40:00.000-07:00

Azkenik ere “Errautsez urrats” EPa esku artean dugu. CDa lortu nahi duzuenontzako, kontzertuetan, zuzenean gure bitartez edo email bat botata (bai facebook zein noizeanbehin@gmail.com helbidera idatzita) eskuratu ahal izango duzue 5 euroren truke. Bestela ere, hurrengo asteetan guk geuk emango dugu internet bidez dohan deskargatzeko aukera.

NOIZEANBEHIN

Errautsez urrats

Iraupena: 27′ 38”

1. Puzzle

2. Saiak Biraka

3. Amets egiten dut

4. Pandora

5. Ixchel

6. Amildegiak

7. Hariak

Lagun askoren laguntza jaso dugun arren, esan dezakegu oraingo honetan guk geuk hartu dugula gure gain prozesu osoaren ardura, nola ez, konposaketatik hasi, ekoizpena, grabaketa, edizioa etabar barne hartuz. Diseinuan Igotz Ziarreta izan dugu beste behin ere bidailagun.

GUREA DA, BERRIZ ERE

2011-03-28T05:54:00.001-07:00

Berreskuratu dugu, azkenean ere, bai horixe. Beta bertsio bat jarri dugu martxan, zuek oraindik ikusi ezin dezakezuena, baina laster guztintzako funtzionamenduan egongo dena. Frogak egiten dihardugu hau hobetze aldera. Berri on bat!

www.noizeanbehin.com

KONTZERTUA BERTAN BEHERA

2011-03-24T06:50:00.001-07:00

Kontua da, larunbat honetan Boys of Birlerekin batera eman behar genuen kontzertua ezin izango dugula eskeini, eta denbora gutxiegi dugula alternatibaren bat aurkitzeko. Gaur goizean, aretoko jabeak mezu hau helarazi digu: "Me han comunicado hoy un decreto del ayuntamiento en el que DENIEGAN LA AUTORIZACIÓN PARA REALIZAR EL CONCIERTO EN DIRECTO". Pena handiz, amorruz baita, baina umorez hala ere, beste gol bat apuntatzen dugu gure aurka. Pentsatzen hasiak gara, ez ote ginen EParen izenburuarekin okertu, agian Pog Mo Thonena lapurtu behar genuen, "Oztopo guztien gainetik". Izan ere, "Errautsez urrats" madarikatu hau erditzea ez da batere erraza gertatzen ari. Orain arteko lanik zailena da, zentzu guztietan. Baina ez dugu etsiko. Zuek ere ez ezazue amorerik eman!

JOSTAILU BERRIAK

2011-03-15T01:42:00.000-07:00

Anderren bateria berria, Alexen baxu berria eta Ibairen anpli... "berria"!

KONTZERTUA

2011-03-04T02:51:00.001-08:00

PANDORA MADTASTEn

2011-02-24T00:51:00.000-08:00

Festimad musika jaialdi entzutetsuak urtero legez, talde "berrientzako" lehiaketa antolatu du oraingoan ere bai, eta abesti berriak ditugula probestuz, izena eman dugu berriz ere Madtasten. Gauzak horrela, hurrengo loturan, Puzzle abestiaz gain, Pandora ere entzun ahal izango duzue. Entzun!

MARTXAN

2011-02-18T02:31:00.000-08:00

Gaur DEIA egunkariko "Bizkai ta Rock" gehigarri berrituan, Alerta taldeari elkarrizketa egiten diete. Alain baterijoleari, 3 maketen gaineko aipamena eskatuta, gure hurrengo EPa aukeratu eta hauxe dio.

Aupa Alain eta Alertatarrak!

ZIRRIBORROAK

2011-02-09T02:53:00.001-08:00

"Errautsez urrats" EPa gure/zuen eskuetara heldu bitartean, Igotzek diseinurako eginiko lehen zirriborro batzuk dituzue hemen ikusgai.

ERO

2011-02-05T09:12:00.000-08:00

Lagun arteko denborapasa bezala hasi zena, Refused, 36 Crazyfists edo Machine Headen bertsioak hala nola joz, hiru urte beranduago errealitate bihurtu da. Zer gertatuko litzateke Biok, Pog Mo Thon, Springfield eta Muted nahastuko bagenitu? Egin klik eta entzun!

DISEINUA

2011-02-02T11:33:00.000-08:00

Igotz Ziarretak burutu du oraingo honetan ere bai, "Errautsez urrats", gure hirugarren lana izango denaren diseinua. Beste behin, bete betean eta era txukunean asmatu du, alde estetiko eta bisualarekin lana osatuz.

Hile bukaeran, kopiak jaso bezain pronto, eskuragarri izango dituzue gure bitartez (kontzertuetan, noizeanbehin@gmail.com helbidera eskatuta...). Izan ere, lan honekin hasieratik izan dugun DIY filosofia hori mantenduz, guk geuk kudeatuko dugu taldearekin zerikusia duen guztia hemendik aurrera.

NB SAREAN

2011-01-31T02:41:00.000-08:00

Mundu digital honetan murgildurik zabiltzatenok jakin dezazuen, blog honetaz gain eta myspace erdi hilik dagoela ikusirik, facebook eta twitter-en ere aurkituko gaituzue. Gure sare oso honen lotura gure web orri propioa izango da, laster noizeanbehin.com dominioa berreskuratuko bait dugu. Izan ere gune hauetako bakoitzak aukera desberdinak eskeintzen dizkigu, bloga delarik taldearen inguruko mugimendu ofizial guztiak barnebiltzen dituena, myspacea musika eta argazkiak eskuragarri izateko mantenduko dugu, facebook da era guztietako informazioa elkarbanatzeko erabiliko dugun plataforma (argazkiak, abestiak, albisteak, hartu-emanak...), eta twitter aldiz taldearen egunerokotasuneko inpresio pertsonalagoak batuko dituena.

Beste besorik hazten ez zaigun bitartean, ez dugu aurreikusten beste inolako sare sozialetan barneratzea.

Facebook: noizeanbehin

Twitter: noizeanbehin

"PUZZLE"

2011-01-15T03:04:00.000-08:00

2011ko otsailean zehar argitaratu behar dugun "Errautsez urrats" EParen aurrerapen abesti bat entzungai jarri dugu jada.

Ya podeis escuchar un tema de adelanto del EP "Errautsez urrats" que publicaremos a lo largo de febrero de 2011.

Puzzle

AURKI

2011-01-08T05:52:00.000-08:00

http://vimeo.com/18197452

NOIZEANBEHIN III "Errautsez urrats"

2010-12-18T08:01:00.000-08:00

“Errautsez urrats” hurrengo lanaren izenburua izango da. 2009 urtetik hona hirukote moduan landutako 7 kantek osatzen duten argitalpena, eta Noizenabehinek osorik ekoiztu, grabatu eta nahastu dituena.

“Errautsez urrats” será el titulo del próximo trabajo. Una publicación con 7 temas trabajados como trio desde 2009 y que Noizeanbehin ha producido, grabado y mezclado íntegramente.

“Errautsez urrats” track list:

1.- Puzzle
2.- Saiak biraka
3.- Amets egiten dut.
4.- Pandora
5.- Ixchel
6.- Amildegiak
7.- Hariak

MAKING OF "SAIAK BIRAKA"

2010-10-18T13:08:00.000-07:00

Igotz Ziarreta

BIDEOKIPLA!

2010-10-17T10:21:00.000-07:00

Ari gara. Grabaketaren nahasketak prozesu luze eta neketsua suposatzen du, Alexek bere gain hartu duena. Froga desberdinak egiten dihardu, lanak eta bestelako konpromezuek uzten dioten astian, eta jada atera ditugu zenbait oinarrizko nahasketa, leku desberdinetan entzun ahal izateko. Ez dugu berehala amaituko honekin, baina bide onetik doa.

Horretaz gain, traste guztiak lokalean montatu ditugu berriz ere, eta uda hasieratikegiten ez genuen ariketa bat egin dugu berriz ere: entseatu! instrumentuari nola heldu edo baketekin nola astindu ia ahaztuta genuen. Hitzegiteko une aproposa ere bilatu genuen ondoren, eta ia errekurtso ekonomikorik izan ez arren, 7 kantu hauek E.P. modura eskuragarri jarriko ditugula erabaki genuen, ahal dugun modu guztietan.

Azkenik, Igotz Ziarretaren deia jaso genuen beste egunean. Asteburuan etxera etorri behar zuela eta ia bideoklip bat egitera animatuko ote ginen. Hurrengo egunean ideia bat garatu, eta larunbat eta igandean grabatu egin dugu. Horrelaxe sortzen dira gauzak sarritan Igotzekin, bapatean, eta horrelaxe irtetzen dira gero, ezin hobeto. Josebaren laguntza ere izan dugu aktore lanetan, eta Boys Of Birle eta Pog Mo Thonekoek ere hau posible egin dute. Azken muntaia ere luzerako kontua izango da zoritxarrez, baina gutxienez ez gaude geldirik.

MADE IN

2010-09-13T07:08:00.001-07:00

Igotz Ziarreta aspaldiko laguna dugu. Urteak daramatza sorkuntzaren munduan murgildurik eta hasieratik lagundu izan gaitu diseinu kontuetan. Arazi diskoaren diseinua bere kontua izan zen, eta besteak beste 2007ko Durangoko Azokako kartela bere lana izan zen baita ere. Duela hilebete inguru bere bisita bat erabili zuen "Made in" argazki seriea burutu ahal izateko, eta besteak beste, Ibaik eta Anderrek parte hartu zuten.

Serie osoa eta beste argazki batzuk ikusteko:
http://www.flickr.com/photos/27456781@N00/

Igotzekin harremanetan jartzeko:
http://igotz.org/
http://www.deabruk.com/

HEMERETZIGARREN EGUNEKO GOGOZ IRABAZITAKO GARAGARDOA

2010-09-12T00:41:00.000-07:00

"Bukatu da, amaitu da, argiak itzaltzen doaz" diote Leihotikanekoek. Eta zorionez, horrela da! Konponketa txiki bat grabatu dugu "Hariak" abestian, eta 6.ean whammyarekin solo arraro bat egin du Ibaik. Ondoren denbora luzea eman dugu oinarrizko nahasketa bat lortzeko, Alexek lan horretan erreferentzi bat izan dezan, eta joder, ondo merezitako garagardo batzuekin topa egin dugu!

Oraindik pista guztiak garbitu behar dira, nahasketak egin, gauza bakoitza dagokion lekuan jarri, masterizatu... luzerako doa hau, baina hauetako egun batetan, instrumentuak berriz ere lokalean montatu beharko ditugu kantu berri hauek entseatzen hasteko, eta jesarri egin beharko gara, lasai lasai, grabaketa honekin eta orokorrean taldearekin zer egin nahi dugun zehazten joateko.

HAMAZORTZIGARREN EGUNEKO OHOREA

2010-09-10T16:06:00.000-07:00

Bai. Lortu dugu Markel Pogmok grabaketa amaitu baino lehen bere ahotsa eskaintzea. Gustora ibili da, melodiak segituan harrapatu ditu eta hitzak ere arin barneratu ditu. Kantu guxtiak entzun ditu, ideiak proposatuz eta iritzia emanez, eta azkenean "Saiak biraka" eta "Hariak" abestietan egin du ekarpena. Estimu berezia diegu Pog Mo Thoneko lagunei, eta gure abestietan, eta gainera bi hoietan, Markelek parte hartu izana, ohorea da guretzako. Berak ere gozatu duelakoan gaude.

Eta hau bukatuz doa. Biharko saioan falta diren kitarra kontuak egingo ditugu eta egindako guztia bere lekuan jartzen hasteko ordua izango da.

HAMAZAZPIGARREN EGUNEKO AMAIERAREN HASIERA

2010-09-08T08:11:00.000-07:00

Ia ia nahi gabe gelditu gara lokalean, zer eta zenbait konponketa eta detaile grabatzeko kitarrarekin. Kitarrarekin edo dena delakoarekin. Izan ere hau da esperimentazio eta inprobisazio handieneko unea grabaketan, baina oraingoan Ibaik, inoiz baino gutxiago landu ditu aldez aurretik. Aurreko bi diskoetan ahotsak beti bigarren maila batetan gelditzen ziren. Hortaz konponketa hauek askoz aurretik egoten ziren prestatuta, kantu ia gehienetarako proposamen desberdinak zeudelarik. Baina gaurkoan, ezustean bezala hasi gara lan honekin, eta berez ordubeteko kontua behar zuena, luzatu egingo zaigu, gutxienez beste saio batera. Izan ere, bakoitzak buruan nahiko argi dauka zer entzun nahi duen abesti bakoitzeko zati jakinetan, baina hori burutik eskuetara ateratzea ez da kontu makala. Momentuz "Pandora" kanturako detaile txiki pare bat, "Puzzle"n kitarra bat indartu eta froga bat egin ditu efektu batzuekin, eta "Saiak biraka" abestian Beñat Pogmok aspaldi oparitutako slide batekin solo bat grabatu ditu Ibaik, Anderren hitzetan "makarra". Baina 22:00ak etorri zaizkigu ia oharkabean, eta burukomin apurtxo bat baita ere. Asteburuan bukatuko ditugu "Oraindik izenbururik ez duen 3. abesti"koak, "Oraindik izenbururik ez duen 6. abesti"ko soloa asmatuko dugu, "Hariak" abestiko estribilloa konponketaren batekin indartzen saiatuko gara, eta ia Markel eta Iraideren ahotsak ere grabatu ditzakegun, nahasketa prozesua hasi ahal izateko.

HAMASEIGARREN EGUNEKO LAN FINA

2010-09-05T13:58:00.001-07:00

2010eko Irailak 5a, igandea. Antzar eguna. Albiste potoloz beteriko egun honi, guk geuk ere gure ekarpen xumea egin diogu, ofizialki ahotsen grabaketa bukatuz. 6 orduko lanaldia hartu dugu gaur arratsaldean. Oraindik egiteke genituen abesti bietarako falta ziren melodia eta hitzak sortu ditugu, ez buruhausterik gabe, ezta laguntzarik gabe. Boys Of Birleko lagunak izan ditugu lokalean bueltaka hainbat ordutan; Txanpi, Rober eta beranduago baita Gari ere. Oraingo honetan gainera, sekula egin ez dugun beste gauza bat egiten ari gara. Lagunak gurean grabatzera gonbidatu. Ordu hiletan Alexek Leixu eta Ainara hartu eta koro bat grabatu du haiekin. Gutxik dakite, baina Ainara Urgabe talde mitikoan urteetan ibiltzeaz gain, gure lehen baxujolea izan zen. Eta gaurkoan Txanpiri horixe bera eskatu diogu. Abiadura hartu eta hiru kantutan utzi du arrastoa azkenean. Rober ere hortxe gelditu da, betiko grabaturik.

Azken orduan, hurrengo pausoak zertxobait antolatzen hasi, eta beroaldian, kitarra akustiko bat grabatu dugu "Saiak biraka" abestian.

Iraide eta Markel Pogmo ekarri nahi ditugu hurrengo egunetan ere bai, baina buruek atsedena dezaten bada ere, esan bezala ahotsak amaitutzat ematen ditugu.

HAMABOSGARREN EGUNEKO KORAPILOA

2010-09-03T16:46:00.001-07:00

Apurka apurka aurrerantz goaz. Abesti bat egunean marka ona da guretzako. Aste honetan amaitu nahiko genuke ahotsekin gainera, materiala itzuli behar dugulako, eta batzuk langabezian bai, baina beste batzuk lanean hasten dira berriz ere, oporraldia amaituta. Gaur denetarikoa euki dugu: beste abesti bat grabatu, ordu erdian zazpigarren abestirako hitzak sortu, Boys Of Birleko Rober eta Gudiren bisita jaso, eta... azkenean ere lehen oztopoarekin topo egitea, haserrealdi, etsipen eta burukominak tarteko. Hirugarren kantuarentzako hitzak sortu berri daude, gaur ikusi ditu Alexek lehendabizikoz, eta gaur arte melodiak ere guztiz osatu gabe egon dira. Hortxe gelditu gara ba, ez atzera eta ez aurrera, baina garagardoak, atseden labur batek eta Gatikako haize freskoak lagundu egin gaitu. Halanolako ideia bat izan dugu azken orduan, eta hurrengo eguna hobea izango delakoan, bertan behera utzi dugu gaurko lana.

HAMALAUGARREN EGUNEKO HARMONIA

2010-09-02T15:36:00.000-07:00

Gaurkoan "Amildegiak" abestirako bigarren ahotsak aurkitzea lortu dugu. Eta ondoren arratsalde osoa laugarren kantu bat osatzen eman dugu, "Puzzle". Izan ere ahotsen lan hau horrelakoa da. Melodia egokiena finkatu, hitzak melodia horretan sartu beharra, oinarrizko ahots hoiei harmoniak bilatzea... eta guzti hori bere lekuan jarri. Harritzekoa da abestiak zenbateraino aldatzen diren ahotsak tartean sartzen direnean. Badirudi musika bigarren maila batetan gelditzen dela, eta guk ordea horri erreparatzen diogu behin eta berriz.

Pog Mo Thoneko Julianen bisita ere jaso dugu gaur, eta Alice in Chains etorri zaizikio bat batean burura ahots joko batzuk entzutean. Hainbeste aldiz kantu hutsak entzun ondoren, gaur ahots melodia eta harmoniekin, abestiei zantzu ilunagoa hartu die.

HAMAHIRUGARREN EGUNEKO HITZ JARIOA

2010-09-01T14:12:00.000-07:00

Beherago aipatu bezala, bazirudien ahotsak grabatzen hurrengo hilean hasiko ginela. Esan eta egin. Irailak 1arekin hasi gara txilioka. Asteotan hitzak sortzen ibili gara eta oraindik baten bat amaitzeke dugun arren, denbora aurrezten eta gure buruen gain behingoz presio apur bat jartzen hasi gara. 3 kanturen ahotsak grabaturik utzi ditugu; "Pandora", "Saiak biraka" eta "Amildegiak". Momentuz esan dezakeguna da gure alde melodikoan are gehiago sakontzen ari garela. Alexek dioen bezala pistak doakoak dira, beraz, koroak frogatzerako orduan programak jarri beharko digu muga.

HAMABIGARREN EGUNEKO IDEIA PILOA

2010-08-03T13:43:00.000-07:00

Lanean jarraitu dugu azken asteotan. Zeregin motela bezain garrantzitsua. Izan ere abestien oinarri musikalak amaitutzat eman genituen, eta esan bezala, ahotsen txanda zetorren. Lehenengo eta behin, bakoitzak bere aldetik eginiko melodiak amankomunean jarri ditugu eta onenak, edo kantuei hobekien egokitzen zaizkienak aukeratu. Nanana uooooo eta antzekoak dira momentuz ditugun hitz landuenak. Ondoren, hutsik jarraitzen zuten zatientzako melodiak sortzen aritu gara eta azkenik, pilatutako ideia guztiak horrelaxe grabatu ditugu kantuen oinarrien gainean. Orain, melodia hauetara ohitu eta silaba kopuru hoiekin hitzak sortzen joan behar gara, behin betiko ahotsak grabatu baino lehen. Ziur aski azken pausu hori irailean emango dugu.

HAMAIKAGARREN EGUNEKO HAMAIKAGARREN KITARRAK

2010-07-04T13:13:00.000-07:00

Ostirala. Batzuk aste beltza izan dugu eta San Pedroak oraindik amaitzear,asteburu gogorra aurretik. Gaurko arratsaldea gutxienez egiteke ditugun kitarrak amaitzeko probestuko dugu. Bognerrari ekua zertxobait aldatu, behingoz Explorerrari hautsa kendu eta Whammya entxufatu dugu. Detaile batzuk falta zaizkigu han eta hemen. Pedalaren funtzio desberdinak erabili ditugu eta nahiko arin amaitu dugu lanarekin. Kanta gutziak banan banan eta lasaitasunez entzun ditugu ondoren, falta zaiguna apuntatu eta hemendik aurrerako lana ahalik eta gehien ordenatzeko asmoz. Izan ere ahotsekin sartu beharko gara hemendik aurrera, eta orain arte, salbuespenen bat kenduta, bakarka eta nahiko gainetik landu ditugu. Melodiak finkatu behar ditugu lehenengo eta behin, eta horren arabera hitzak egin, hau argi dugunean erabatera grabatu ahal izateko.

HAMARGARREN EGUNEKO AJE BASATIA

2010-06-28T12:56:00.000-07:00

San Pedroak dira Mungian eta ibili gara bai. Igandea da, eta kitarra batzuk grabatzeko gelditu gara, ideia txarra benetan. Baina Alerta taldeko Alain ere etorriarazi dugu, bere Vox AC4 eta Squier Telecasterrarekin, eta atzo bi kontzertu jo zituen arren, zintzo-zintzo etorri da Berriztarra. Lehentxoago Alexek kantu batekin egindako oinarrizko nahasketa batzuk entzuten ibili gara, eta grabakatan lortutakoa asko hobetzea lortu du Lou Berrinson gure soinu injeniariak. Nagiak atera eta anplitxoa montatu dugu, mikro bat jarri, kitarra heldu, dena hala nola, piztu eta ikutu ere ez dugu egin. Horrelaxe grabatu ditugu kitarra garbiak. Ondoren Les Paula lepotik zintzilikatu eta crunch batzuk grabatu ditugu. Bien bitartean lokalean txosna hatsa, beroa eta inoiz baino bisitari gehiago euki ditugu; Alain bera, Boys Of Birleko Gudi, Julen Biok, Alex argi teknikaria, bere txakurra, Ander eta bere buru handia... agian kaka hutsa grabatu dugu, batek daki. Gorputza Gatikan genuen baina burua auskalo non! Oraindik kitarra gehiago grabatu behar ditugu, baina soinu indartsuago bat frogatu behar dugu hoientzako, eta egun osoko erabakirik zentzuzkoenean, beste egun batetan saiatuko gara.

BEDERATZIGARREN EGUNEKO AIZKORAK

2010-06-21T00:41:00.000-07:00

Ordubete eman dugu Sovtekaren soinua fintzen, eta Gibson Explorerra edo SGa, zein erabili erabakitzeko gai izan gabe. Beñat PogMoren Bogner pantallara entxufatu dugu zuzenean, gure Marshallak frogatu ere egin gabe. Audio Technica bat, Shure SM58 bat, eta Biok taldeko Unaik utzitako Senheiser e906 bat erabili ditugu, eta Ibanezen TS9 pedal bat anpliaren distortsioa zertxobait argitzeko. Azkenean SGa hartu eta bazkalordurako kantu guztietako oinarrizko kitarrak eginak zeuden. Ipurdia erabat ireki zaigu eta Alex etxera joan da Gibson Las Paularen bila, arratsaldean berriz ere kitarrak beste soini batekin grabatzeko.

Ordu betean sabela bete eta lokalera itzuli gara, esan bezala Les Paula astintzeko asmoz, baina Bogner Uberschallarekin hau. Sovtek anpliarekin lortutako soinu rockeroari, kitarra zorrotz eta metalikoago bat gehitu nahi genion. Ez gara Bognerrari soinu hori ateratzeko gai izan ordea, eta buruan genuen ideia moldatu behar izan dugu. Jada egindakoari osagarria zaion soinua lortu dugu, eta emaitza iluna eta gordina da. Errez egin ditugu kitarra hauek ere bai, nahiz eta azkeneko kantuko zati madarikatu batekin izerdi ederrak bota. Mekauendios batzuk irentsi, arnasa sakon hartu eta aurrera.

Asteburu bakarrean baxuak eta oinarrizko kitarrak gainetik kendu ditugu. Oraindik ere kitarra garbiak, ahotsak (ahotsak!), konponketak etabar luze bat gelditzen dira, baina kantuak forma hartzen hasi dira, eta gaurkoan astindu ederra eman diogun arren buruari (bolumen basatia) eta baita gorputzari ere (hainbeste ordu), abestiak behin eta berriz entzungo genituzke.

ZORTZIGARREN EGUNEKO BURRUNBA

2010-06-19T11:52:00.000-07:00

Atzoko frogen ondoren, Alex lo egin ezinik ibili da, mikroei buruan hainbeste buelta emanda. Goizean goiz jeiki eta aldatu egin ditu. Soinua hobetzea lortu du eta 11ak aldera grabatzen hasi gara. Errez egin ditu, akats txikiak kenduta, lehenengo saiakeran gehienak. Bazkalaurretik, apostua egin dugu, ezetz grabatu hurrengo kantua toma batean. Galdu egin du, baina pasta plater bikaina eman diogu berdin berdin.

Arratsalderako 3 kantu baino ez zitzaizkion falta, eta hoiek grabagtzen ari ginela Biok taldeko Julen etorri da. Atzo Azkaineko gaztetxean jo zuten Cohenekin eta lo gutxi egin du, eta eskatutakoak erdizka ekarri dizkigu. Hori bai, akatsak antzemateko oraindik argi ibili da. 3 belarri pare eta gutxienez beste hainbeste aizkora zorrotz euki ditu Alexek gainean kantu guztiekin bukatu bitartean.

Juanma PogMoren anplia kendu, eta Julenek ekarritako Sovtek bat frogatu dugu Explorer batekin. Gustatu zaigu emaitza, eta baita Ibanez TS9ak eman diezaioken kolorea. Biharko gauzak nahiko argi ditugu honekin.

ZAZPIGARREN EGUNEKO SOINU FROGAK

2010-06-18T16:08:00.000-07:00

Nekaturik, horrelaxe heldu gara ostiralera; erlojuaren aurkako aste eskasa izan da hau. Material piloa utzi digute, Atxik MusicMan bat, Txupinek Fender Precission bat, PogMoko lagunek baxuko SVT-3 anplia eta kitarrarentzako Bogner Uberschalla (China connection works!), eta Borjak zenbait sekretutxo beste behin ere (azkenean afari on bat ordaindu beharko diogu madarikatuari!).

Gure txokoa berriz ere atondu eta baxuko anplia montatu dugu, Alexen txanda bait da orain. Bi baxuak frogatu, mikro konfigurazio desbrdinak erabili, bi baxuen arteko desbrdintasunak aztertu, distortsioarekin saiatu... horretan joan zaizkigu orduak arratsalde honetan. Gutxienez bihar goizerako dena prest utzi dugu eta Anderrek bateria batzen zuen bitartean kitarren grabaketarako plangintza zehatz bat egitea lortu dugu.

SEIGARREN EGUNEKO LO FALTA

2010-06-13T06:29:00.001-07:00

5 ordu inguru lo egin ondoren, lokalera bueltatu gara atzo grabatutakoak lasaiago entzuteko. Anderrek egindakoari okeia eman diogu eta azken erritmo bat grabatu dugu, bueltaka darabilgun kitarra riff bat soinu onarekin grabatu ahal izateko. Eta honekin bateriaren txanda ofizialki amaitutzat eman dezakegu. Nahi genuen bezala, soinu garbia lortu dugu, eta nahasketetan ikusiko dugu noraino eraman dezakegun egindakoa, baina itxura ona dauka egia esateko.

Mikroak eta materiala batu eta burua hurrengo asteko baxu eta kitarretan jartzen hasi gara jada.

BOSGARREN EGUNEKO BURUKO MINA

2010-06-13T06:17:00.000-07:00

Goizeko 11:00etarako lehen kolpeak grabatzen hasi gara. Bataz beste, proiektuak prestatu, grabatu, entzun, berriz ere grabatu, akatsen bat konpontzen saiatu, kantu bakoitza grabatzen ordubete eman du Anderrek. 15:00ak aldera atseden luze bat egin eta bazkaltzen joan gara. Oilasko erre gozoa! 16:30etarako lokalera itzuli eta begiak zabalik mantentzea gehixeago kostatu zaigu, baina Anderren makilkadek segunduko hamaika aldiz esnatzen gaituzte.

21:30ak aldera grabatu beharreko 7 abestiak amaitutzat eman ditugu. Ondo daudelako, edo agian ezin dugulako beste kaja kolpe bat edo metronomo hots bat entzun zoratu gabe. Larunbat gaua da eta bagoaz garagardo batzuk edatera!

LAUGARREN EGUNEKO ZIRRARA

2010-06-11T15:06:00.001-07:00

Azkenik ere heldu da ostirala! Aste osoan egun honetan, asteburuan, eta bateriak grabatzen hastearekin ametsetan egin ondoren, iritsa da! Egunotan Biok taldeko Imanoeln bonboa eta disparadorea ekarri, koltxoi gehiago sartu eta mikrofonoak lortu ditugu Alexen anaiari esker; aupa Borja! Gaurkoan beraz, Julian (PogMo) lagun izan dugularik, mikrofoneatzen amaitu eta soinu frogak egiten hasi gara Ander heldu bezain pronto. 16 mikro inguru ditugu bateriarentzako eta uste baino emaitza hobea lortu dugu soinuaren aldetik. Izan ere, hainbeste mikro izateak aukera asko ematen dizkigu nahasketak egiterako orduan. Soilik anbienteetarako 5 mikro desberdin erabiltzen ari gara. Egia esateko Alexek kriston lana egin du eta asko trebatu da grabaketa kontuetan; bera gabe ezinezkoa litzateke hau era honetan egitea.

Hala ere, bateriajole madarikatuak, Ander ez da bonboaren soinuarekin guztiz pozik gelditu. Mila aldiz errepikatu arren, kostako zaio ulertzea, grabatu ondoren borobildu ahalko dugula guk soinua. Aukera asko emango dizkigu grabaketa era honetan egiteak.

HIRUGARREN EGUNEKO TETRISA

2010-06-07T01:35:00.000-07:00

19:00tarako Alexek denbora luzea zeraman ilunpetan, Hoon taldekoei eginiko grabaketaren behin behineko nahasketa lasai lasai entzuten. Ander ere, igandeko aje eta guzti, behingoagatik orduan heldu da eta laster batean apurtu diogu lasaitasuna. Gaurkoan beste lan astun bat izan dugu. Hurrengo asteburuan bateriak grabatzeari ekingo diogu eta horretarako lokala atondu beharra genuen. Bateria lokalean erarik egokienean kokatu behar da, mikroak arazorik gabe jarri ahal izateko, eta soinua ahalik eta onena izan dadin. Zementuzko horma biluziak ere nola edo hala isolatu behar ziren, errebotea ezin bait da itsusiagoa izan. Badakigu gure baliabideekin soinu ona lortzea urrun gelditzen dela, baina gutxienez saiatuko gara ahalik eta argi eta txukunena grabatzen.

Bada, gure Diogenesen sindromea hankaz gora jarri eta hainbat gauza lekuz aldatu eta mugitu behar izan ditugu, pisutsuak denak, noski. Pog Mo Thon taldeko Julenek utzitako tinbal basea eta 20"ko platoa ere frogatu ditugu. Astokeri ederra "Julian"en Zildjian hori; minutu pare batetan gortu gaitu. Gehiegi guretzako.

Hormetan koltxoiak jartzen ari ginela izeko Leixu ere etorri zaigu Niletxorekin, gure abestiekin burua astindu ezik dantzatzeko gai den bakarra azken hau. Baina musika ez, zarata egiten omen dugu orain berak dioenez, eta Otsoa eta Beldurgarriak aurkitzearekin arduratuago egon da gure zentzugabeko tetrisarekin baino. Bakoitza bere buruhausteekin.

Gutxi gora beherako soluzio primarioak aurkitu ditugu grabatzen hasteko, eta 22:00ak inguruan etxera joatea erabaki dugu, astelehena laster dator eta.

BIGARREN EGUNEKO ORDU HILAK

2010-06-06T04:20:00.000-07:00

Anderrek partxeak aldatzen jarraitu du, eta zoratu beharrean ibili da 4 ordu inguruz tinbalak behar bezala afinatu bitartean. Alde bat estutu, bestea askatu, "tin-tin", "ton-ton"... lan nekeza da egia esateko.

Lagunei eskatutako materiala ere heltzen hasi da, eta gaurkoan Alerta taldeko Alainek berriki erosi duen Ludwig kaja bat utzi dio, metalezkoa. Itxura ederra dauka honek!

LEHEN EGUNEKO PRESTAKETAK

2010-06-05T10:44:00.000-07:00

Instrumenturik jotzen hasi baino lehen, bada aldez aurretik egin beharreko lana. Grabatzeko trasteak leku egokian jarri eta lanari ekiteko prest gaude. Kantuen tempoak finkatu eta konturatu gara 7rak oso antzekoak direla; 180 eta 200 bpm artean dabiltza denak. Arinak bai. Arinegiak agian... baten batek estutasunak izango ditu grabatzerako orduan! Ondoren pista bana grabatu dugu abesti bakoitzaren klaketarekin, eta kanta guztiak kitarra batekin grabatu ditugu, Ander bateriekin hasten denean erreferentzi argi bat eduki dezan.

Bien bitartean Ander partxeak aldatzen eta bateria afinatzen eta prestatzen hasi da. Hurrengo ostiralerarte ez du grabatu beharrik, baina komeni da partxe berriak "aklimatatzea".

Gaueko 22:00ak heldu dira, eta estudio batetan ez egoteak zenbait muga ditu, ordutegiekin zerikusia dutenak ere bai. Nile eta umeek lo egin behar dute.

EGUNERATZEN

2010-06-04T03:09:00.001-07:00

Gaur, 2010eko Ekainaren 4ean, grabaketa berri bati ekingo diogu. Oraingo hontan gure gain hartuko ditugu prozesuaren ardura guztiak, eta Gatikan bertan burutuko dugu berau, gure txokoan. Do It Yourself diote USAkoek. Denbora luzea daramagu kantuak sortzen, eta momentu honetan mahai gainean ditugun 7rak grabatuko ditugu datozen asteburuetan. Blog honen bitartez, beste aldean inor bada behintzat, lanaren gora beherak jarraitzeko aukera emango dugu.

Pozik gaude!

BAIXEU EL DISC QUE ESTA DE PUTA MARE

2010-04-26T02:34:00.000-07:00

Azken aldian aurrera begira gabiltzan arren, tarteka gustatzen zaigu aurretik egindakoa begibistaz ez galtzea. Pluralitat Musical izeneko eta katalaneraz idatziriko webzine batetan (balentziarra delakoan gaude) 2007an kaleratu genuen Arazi diskoaren komentario labur bat aurkitu dugu, 2009ko abuztuan egindakoa. Hizkuntza hori dominatzen ez dugunontzako ere ulergarria egin dute. Hona hemen:

Descarrega metalera al rollo Eraso o Savia, entre altres. Noizeanbehin fan és auto etiqueten com rock/metal i tot cantat en euskera. La veritat és que és un disc de qualitat que no te res que envejar-li a cap grup de nivell europeu. La veritat és que te trossos super melòdics, on compaginen el metal pesat amb una veu amb molta melodia i al final es queda en trossos super pegadisos i que em sembla que és un estil prou característic de Euskal Herria. Eraso ja ho fa igualment que Ekon o Biok, mesclar la musica extrema en melodiques veus. Be, res mes que dir-vos. Baixeu el disc que esta de puta mare i a mi m'agrada molt. Noizeanbehin musica feta en Gatika i tota cantada en euskera (això no influeix en la seua musica, però es un data mes, informativa) BAIXEU!!!

Per Jaumemon

Descarrega: http://www.megaupload.com/?d=59B3UPB8

Iturria: http://pluralitatmusical.blogspot.com/2009/08/noizeanbehin-arazi.html

COHEN, ETA KITTO!

2010-04-13T02:20:00.000-07:00

Azken aldian zeresana ematen ari den talde bat eta haien lan berrienaren berri ematera gatoz oraingoan. Urnietatik datozen lau gazte baino gazteago hauek harritu gintuzten duela urte pare bat jada, eta orduan azalean zena muturrera eraman dute "Subconscoius mind" diskoan. Paranoia ederra lagun hauena, kakanahaste itzela The Dillinger Escape Plan, Finch, Poison The Well edo Refused bezalako taldeen unibertsoan barneratu ez denarentzako, besteak beste. Lan gomendagarria ezbairik gabe, zentzu guztietan gainera, iluna, konplikatua, korapilatsua, deserosoa, zorrotza. Rocka bere adar guztietan gustoko dutenentzako beharrezko diskoa, eta maite dutela erakutsi nahi duten hoiek norbait izan nahi badute ere eskuratu beharko dutena.

PRET A PORTER

2010-03-30T00:21:00.000-07:00

Kamiseta berriak prest daude. Nahi duzuenok 10 eurotan erosi ditzakezue (M, L eta XL neurriak daude aukeratzeko, eta modeloa bakarra da) guri zuzenean eskatuta edo noizeanbehin@gmail.com helbide elektronikora idatzita. Gainera, eskaera aprobetxatuz diskoren bat erosi nahi izanez gero 5 eurotan eskuratu dezakezue.

Noizean behin bai, baina betiko!

BESTE BAT

2010-02-16T02:10:00.000-08:00

Izenari kasu eginez, hemen gaude, noizean behin. Auto istripuetako frogen dummyak bezala, kolpeka goaz aurrera, borrokatu nahi genuen inertzia berberak bultzatuta, dena delakoa ere aurrean dugun horren aurka joz.
Kamiseta berriak egingo ditugu hilabeteko epean, eta ekainean hasiko gara kantu berriekin maketa bat grabatzen. Eutsi!!!

BIFFY CLYRO

2010-02-12T06:26:00.001-08:00

OSTIA PUTA!

(argazkia: BKphotography.co.uk)

UTOPIAREN INDARRAZ KATEAK APURTUZ

2009-12-21T02:22:00.000-08:00

Iragan den Abenduaren 16ean Bilbao Hiria XXI. Pop-Rock Lehiaketaren "metal" arloko finala burutu zen Euskal Herriko 3 talderekin, euren artean lagun ditugun Akatu nafarrak zirelarik. Bigarren postua lortu zuten eta ikusi ez genituen arren, aspalditik dakigu mota honetako errekonozimendua merezita dutela oso. Zorionak beraz lorpenagatik, ia laster ospatzeko modurik dugun. Euskal metala sasoi betean dugu, eta jarrai dezala!

ALEX ETA MUNDUAREN KONKISTARAKO LEHEN URRATSAK

2009-12-20T03:18:00.000-08:00

5 lagun lokalaren ilunean batu eta konspiratzen ibili izan dira azken asteotan. Gazteenekin aliatu dira beteranoak, grina eta eskarmentua. Segadan harrapatu gintuzten Alex eta bere konplizeek ostiralean, di-da batean 4 kantu treberekin txikituz. Batek daki zer gertatuko den, baina badu etorkizuna konpañia honek.

GATIKA MONGOLIAN DAGO

2009-12-12T05:00:00.000-08:00

Egunotan deslokalizazioaren inguruko artikulu bikaina irakurri dugu, myspace eta euskal ametsak gora eta behera, eta hauxe aurkitu dugu:

"España dela eta ez dela, 54 artistaren guneetan topatu dugu aukera hori, nafar gehienen, Espainako mailan ospe handia dutenen eta euskaldun ugariren kasuan: Su Ta Gar, Ruper Ordorika, Kerobia, Gari, Kepa Junkera, Saioa, Sugan, Korrontzi, Lantz, Noizean Behin..."

Nafarrak ez, ospe handirik ezta ere, baina gu bai, benetan artistak. Saiatu ginen nola edo hala azaltzen tresna aldrebes honi, "hau bai" eta "ez beste hori", "bata eta bestearen artean dagoen zer bat"... baina alferrik. Antza denez myspace madarikatu honek boikoteatzen gaitu, eta ia orijinalak bihurtarazi nahi gabe. Musikak ere aberria duela ezin ahaztu.

Hau ikusirik, duela hilabete batzuk jatorrira itzultzea erabaki genuen, sekula utzi behar izan ez genuen zulora, Mongoliara alegia. Ez benetakora noski, euren mesederako, mongoloen artera baizik.

AZOKAKO UZTA

2009-12-09T00:56:00.001-08:00

Hiru egunetan ibili gara aurtengoan Durango aldetik, azken aldian azokari ateratzen diogun alderik onenaz gozatzen. Maite dugu lagun artean kale haietatik ibiltzea, eta bai Landako guneko kaleetan edo herriko kaleetan zehar miresten ditugunak beste guztiekin batera ikustea.

Salerosketari dagokionez, Durangoko eredua zertan bihurtzen ari den, edo zertan bihurtu den jada, kostata ulertzen dugu. Nola liteke, bitartekariak kenduta produktuen balioa berdina izatea edota are gehiago puztea ere? Eta beste alde batetik, hainbeste erreferentzia berriren artean, zergatik hain gutxik piztu dute gure interesa? Katalogo zaharrak prezio eskuragarrian berreskuratzeak begiak argitu dizkigu gehien, dudarik gabe. Gaztelupekok eta bereziki Metakek oraindik orain ahalegin hori egitea goraipatzen dugu, eta hauen stocka amaituz doala ikusteak, jada disko batzuk aurkitzea ezinezkoa dela baieztatzeak, tristura eta poza dakarzkigu dosi berberean. Zorionak Entzun! aldizkariaren ekimenari eta LPen alde egiten ari diren guztiei; lan txukunekin arreta deitzea lortu dute.

Beste zerbaiten bila ari ginen.

AURTEN EZ

2009-11-19T06:44:00.000-08:00

Urtea amaituz doa, eta eguneraketak irakurrita badirudi ez dela urterik onena izango. Hala ere nahiko pozik bizi gara, ez daukagu kexatzeko hainbeste arrazoi ere ez, eta egi hau deusezteko edo, beste pisuzko argudio bat aurkitu dugu. Azaroak 19 ditu jada eta ez dugu euki aurten Urondofest ospatzerik. Eta ez dirudi urtea amaitu bitartean egin ahal izango dugunik. Urondoko aterpeak aukera bikaina eskeintzen zigun guk nahi genuen festa antolatzeko, eta azken bi urteetan zehar ez dugu pasatzen utzi. Oraingoan ordea bagenekien, egitekotan, beste tokiren batean egin beharko genuela. Onartzen genuen, frankizia baten gisa edo, Urondofest marka beste nonbaitera mugitu behar izana, baina ez omen da Euskal Herrian Urondoren pareko beste lekurik. Hori, edo agian azken urtean behar baino gehiago zahartu gara. Beraz lehen zatia desegin, edukia desitxuratu eta bukaerako horrekin konpondu beharko gara; Festarekin alegia, hor nonbait.

GIROAREN HOTZAK/KITARREN HOTSAK

2009-11-09T02:59:00.000-08:00

Badatoz berriz ere egun grisak, haize eta euriak. Honexek batzen gaitu kontzertuen aitzakipean. Oraingoan denak entzule gisa ordea. Bagenituen gogoak, zenbaitekin berriz ere elkartzeko, kafe antzokira itzultzeko, gustoko dugun talde atzerritarren bat gure lurretan ikusteko. Pog Mo Thon, Biok, Boys Of Byrle, Cohen, Akatu eta beste hainbat lagun batu ginen ba larunbatean, gehienak Alexisonfire ikusteko irrikitan, baina gaua zabaltzeko ardura zuten The Ghost Of A Thousandekoek kriston kontzertua eskeini zuten maila hasieratik oso goian jarriz. Kanta onak, soinu argi eta indartsua, jarrera bikaina; talde gomendagarria dudarik gabe. Alexisonfire oso ondo ibili ziren baita ere, nahiz eta Dallas Greenen kitarrak soinu eskasa euki eta kontzertua gogaituta amaitu, H&Mko zapatila madarikatuekin ziurrenik, merkeak bezain deserosoak. Anti-Flag atearen beste aldetik entzun genuen Rubenekin Cohenen disko berriaz hitz egiten genuen artean, eta ustez taldeetako kide zirenen ordez batek daki norekin argazkiak ateratzen genituen bitartean. Mendeku Itxuaren kontzertu batetan amaitu genuen gaua, Euskal Herrian heavyaren formulak bizirik jarraitzen duela ikusiz.

HOUSTON HOUSTON...!

2009-10-21T02:15:00.000-07:00

Basauriko Txarraska Gaztetxean emandako kontzertua begibistan gelditzen zitzaigun azkena eta bakarra zen. Gernikarrekin bete beharreko zor/konpromezu bat dugu oraindik ere airean, baina horrelako salbuespenez gain kostata ikusiko gaituzue taula gainean hurrengo hilabeteetan, arrazoi desberdinak direla medio.

Alde batetik, taldearen egoera ekonomikoa ez da batere ona; hasiera batetik taldekideen gain hartu ditugu sarritan NOIZEANBEHINekin egindako apustu zehatzak, bakoitzaren materialetik haratago diskoen grabaketak, edizioa, promozioa etabar kasu. Taldearen norabideak eta errealitateak baina, autogestioa bideratzea zail jarri izan digute. Gaur egunean zorrak kitatu ditugu, baina ez daukagu errekurtsorik, likideziarik, eta honek pausuak ematen jarraitzeko orduan izugarri mugatzen gaitu, bai lan berri bat grabatzerako orduan eta baita kontzertuak eskaintzerako orduan ere bai. Izan ere gutxi dira jotzeko ditugun aukerak, eta are gutxiago baldintza minimo batzuk bermatzen dizkigutenak. Ez ditugu kontzertuak eskaintzen irabazi ekonomikoak lortzeko helburuarekin, baina ezin dugu galerarik gure gain hartu ere ez. Taldearen baliabideak itotzen ditugu eta gu geu erre egiten gara.

Beste alde batetik, urteak dira taldearekin gabiltzala. 18 urte inguru genituela hasi ginen honekin, eta urteotan batera hazi gara. Ikasi egin dugu, lan egin, bidaiatu, haserretu, mozkortu, hitz egin, konpartitu, negar egin etabar luze bat, azken batean, bata bestearen bizitzaren parte eta lekuko bihurtu gara ezinbestean. Testuinguru hori izugarri aldatu zaigu gutariko bakoitzari tarte honetan, bestelako konpromezu batzuk hartu behar izan ditugu, lehentasunak aldatu egin zaizkigu, eskarmentu handiagoa dugu eta finean taldeak beste esanahi bat hartu du guretzako, lehen baino askoz ere sakonagoa. Zoritxarrez denborak gure aurka jolasten du eta ulergaitza zaigun arren, betebehar desberdinekin pertsona izugarri lanpetuak gara. Ezin diogu beraz taldeari nahi eta behar beste denbora eskeini, eta ez gara fronte guztietan gustatuko litzaiguken moduan erantzuteko gai.

Hortaz, ez da kontzienteki eztabaidatu eta hartutako erabaki bat, baina hurrengo hilabeteotan kantu berriak sortu eta atontzean buru belarri arituko garelakoan gaude, zuzenean aritzeko aukerei aldez aurretik muzinik egin ez arren.

Ikusi edo... entzun arte!

ZALEAK BURUA ASTINTZEARI UTZI EZINIK IBILTZEA NAHI DUGU; EZTARRIA URRA DAKIEN

2009-09-30T01:58:00.000-07:00

aikor! 85 | 2009ko iraila www.aikor.com

NOIZEANBEHIN | musika taldea

Noizean Behin taldeak metalaren soinuak ekarri ditu aurten Lezamako jaietara. Bizkaitarrek kontzertu indartsua eta energiaz betea eskaini zuten.

Zelan Lezaman?
Gustura ibili ginen. Taldearen gorabeherak zirela-eta kontzertu gutxi eman dugu aspaldi honetan. Lezamakoa aspalditik hitzartu genuen, eta eguna noiz helduko zain egon gara.

Trikizio eta talde lokal batekin ibili zineten eszenatokian. Nahiago duzue bakarrik jo ala beste talderen batekin?
Beti beste talderen batekin. Ondo dakigu zein den taldearen estatusa eta badakigu ez dugula jendea herri batetik bestera mugiarazten. Hala ere, argi dugu aproposak garela publikoa animatzeko. Beraz ahal den guztietan nahiago dugu jo beste talderen batekin.

Arazi bigarren diskoa duzue. Zelangoa da?
Badira ia urte bi Arazirekin bueltaka gabiltzala eta zuzenekorako disko aproposa dela uste dugu. Gogorra da, zorrotza, baina dinamikoa eta kantagarria; melodia asko duena. Generoa gustatuz gero, erraz sartzen da. Hala ere, esan behar dugu kantak oso momentukoak dirala. Irten ziren moduan konposatu genituen, eta horrek freskotasuna ematen die batzuetan, baina beste batzuetan, berriz, lekuz kanpo utz ditzake abestiak.

Zer sorrarazi nahi duzue zalearengan Arazi diskoarekin?
Emozioak, mugimendua. Bolumena igo eta oilo-ipurdia jartzea, burua astintzeari utzi ezinik ibiltzea eta eztarria urratzea. Hurrengo egunean ahotsik gabe egotea, lepoko min eta egundoko ajearekin, eta harro sentitzea.

Badu alderik bigarren disko honek lehenengoarekin konparatuta (Inoiz kontatu ez nizkizunak)?
Bai, badu. Ohiko esaldia den arren, bigarren diskoa lan helduagoa da. Ideia hobeak ditu eta kantak borobilagoak dira, hobeto garatuta daude. Arinagoa da, askoz kantagarriagoa eta anitzagoa.

Taldekideak Mungia, Bilbo eta Gatikatik zaudete barreiatuta. Lana oztopatzen du horrek?
Neurri handi batean, bai. Denontzako aproposa den erritmo bat topatu beharra dago eta ez da behar erraza izaten. Hegoi baxu-jotzaile ohiak, esate baterako, taldea utzi behar izan zuen, bere bizitza Donostian zegoelako. Orain taldean gelditzen garen hirurok inoiz baino lanpetuago gabiltza, baina oso hurbil gaude bata bestearengandik eta hobeto moldatzen gara.

Zer da musika zuentzat, lana ala zaletasuna?
Beharrizana da, baina beti zaletasuntzat hartuta; hasieran, baduzu taldearekin zerbait lortzeko ilusioa. Baina musika munduan aurrera egin ahala, bide bat jorratzen zoaz, gauzak egiteko era bat hartzen duzu eta taldeak bere izaera garatzen du. Guk zaletasuntzat dugu musika eta hala izaten jarraituko du.

Taldea duela zortzi urte sortu zen eta tarte honetan disko bi atera dituzue. Asko, gutxi ala nahiko?
Zortzi urtean disko bi kaleratzea ez da asko, baina, egia esan, disko bi horiek lau urteko epean atera dira merkatura; ez dago txarto. Hala ere, nabaritu dugu musika kontsumitzeko erak diskoen “bizitza” gero eta arinago agortzen duela orokorrean, edukia epe laburrean asimilatzen dela eta oso iraunkorra ez dela. Ondorioz, ia etengabe eskatzen da material berria.

Azken diskoaren aurkezpena nahiko txukun egin duzue. Musikaz gainera, itxura ere zaindu behar da gaur egun, ezta?
Itxurak gauza ezezagunekiko jarrera baldintzatzen du; hau da, disko bat erakargarria bada, positiboa izango da berekiko jarrera. Elementu garrantzitsua da atentzioa emateko, baina gainontzeko guztiaren osagarria izan behar da. Izan ere, horren atzean edukirik ez badago, ez du ezertarako balio.

Taldea
- Alex: baxu-jotzaile eta ahotsa
- Ibai: gitarra-jotzailea
- Ander: bateria-jotzailea

Lanak
- Inoiz kontatu ez nizkizunak (2006)
- Arazi (2007)

Alea pdf formatuan
http://www.aikor.com/inpdf/pdfak/aikor!%20berria_85.pdf

IBAI ETA BIOK

2009-09-25T02:51:00.000-07:00

Lan kontuak direla eta, BIOK taldeko Aitor gitarrajoleak ezingo du zenbait kontzertutan jo. Unean uneko kontu bat da, baina hurrengo hilabeteetan egoera hau suertatzen den bakoitzean, Ibaik lagunduko die zuzenekoetan.

Bitartean kantu berriak egiten jarraitzen dugu eta honek ez du ekidingo zuzenekoak ematen jarraitzea.

2009-09-17T07:46:00.000-07:00

THE BEGINNING OF THE NEXT

2009-08-26T01:31:00.000-07:00

Egia esan ez dakigu noiz eman genuen gure kantu berriak izango direnen aurreneko nota, zein momentutan bururatu zitzaigun oinarrizko erritmo hori edo zarata hura zerbait egiteko erabiliko genuela erabaki genuen une zehatz hori. Baina berdin dio, ez diogu denborari erreparatu nahi, ekintzari baizik.

Azken boladan taldeen lokaletan ohiko bihurtu diren ordenagailuen ordez, 8 pistako grabagailu bat sartu dugu gurean. "Arazi" diskoan egin genuen bezala, ideiak irten ahala grabatzeak asko laguntzen gaitu hoiek landu, moldatu, garatu eta azkenik abestiak lortzera. Oraingo honetan aldiz preprodukzioaren prozesu horretan gehiago sakondu nahi dugu, eta aparatu honek horretan lagunduko gaitu. Alemaniatik heldu berri zaigu eta momentuz eskuartean ditugun 6-7 ideiak hala nola grabatu ditugu, baina nahikoa izan da honek zabaltzen dizkigun aukerak ikusteko. Kea aterako diogu.

GAU LATZA EGUN HARTAKOA

2009-08-24T05:11:00.000-07:00

Bai, maite ditugu aje madarikatuak, garunetako odol zikinak, mingotsak erraiak; gustoko ditugu tinpano apurtuak, odola darien belarriak, bizi osoko txistu monotonoak; lepo minduek, bizkarrezur okertuek, gihar ezezagunen ziztadek, harrotzen gaituzte; gorputz ubelduek, izerdi patsek, eztarri urratuek, asetzen gaituzte.

Bai, sibarita hutsak bihurtu gara.

GAUR EZ DA DENA GRISA

2009-07-29T03:22:00.000-07:00

Euki beharreko beste disko bat kaleratu berri da egunotan, BIOK taldearen "Gaur ez da dena grisa". Amen.

WE DO WHAT WE ARE SUPPOSED TO DO

2009-07-27T03:33:00.000-07:00

Zertxobait gogortuta ibili ginen larunbatean, behar bezala koipeztatu gabeko makina bezala nolabait. Horrelakoetan ezpala ondo sartuta gelditzen zaigu barrenean, "zuzentasuna"ren eremu horretan mugitzeko gai bakarrik garenean. Batez ere gainontzeko guztia, mugak muga, hain ondo doanean. Gure esker ona eta zorionak Mungiako Azken Zarata musika elkarteari eta Malen Skate Klubari beste eguneko Atzekaldeta Fest horregatik. Hurrengo urtean gehiago eta hobeto, gure moduan.

ATZEKALDETA FEST 2009-07-25 MUNGIA

2009-07-20T03:40:00.000-07:00

BADA BIZIA TRIOAREN ONDOREN

2009-06-08T07:07:00.000-07:00

Seguruenik inoiz kontzerturik eskeini gabe eman dugun denbora tarterik luzeena izan da hau, 7 hilabete luze. Emanaldiaren bezperan Albokara joan ginen, hainbestetan bezala, ensaioaren ondorengo garagardo magiko horietako batzuk edatera, eta batzuekin eta besteekin berriketan, lan berri bat aurkeztekotan egongo bagina bezala sentitzen ginela aitortu genuen. Errepertorioa begiratuta ordea, eskuz idatzitako hiru paper kuadrikulatu eta zimurtuen arteko desberdintasun bakarra zerrendaren ordena zen, edukia berriz berdina, bertsio berri bat salbu. Baina sentsazio horrek hor jarraitzen zuen, beste aro bat estreinatzearenak. Eta larunbatean hautsa gainetik kentzen gozatu genuen, gustoko ditugun kontzertu txiki, zuzen, zaratatsu eta heze horietako batetan. Itzuli zaigu ipurzuloko dardara hori. Eta hortxe jarraitu dezala.

Gainera, bideoklip bat grabatzeko aukera suertatu da, eta ilusio handia egiten digun ideia bat darabilgu buruan, uda aldera “Inertzia” kantuarekin gauzatuko duguna.

2009-06-01T06:02:00.000-07:00

BACK AGAIN

2009-04-27T07:02:00.001-07:00

Denbora aurrera doa etengabean. Distantziatik ikusita azken hileak arin pasatu dira, oharkabean. Lokalak erritmo horretaz ere isolatzen gaitu. Eta egia esan, inertzia hori ezin deserosoagoa bada ere, nolabaiteko atsedena behar genuen. Edo atsedenaren ilusioa behintzat. Baina zurrunbilo horrek irentsi baino lehen, makina herdoildua martxan jartzea erabaki dugu berriro ere. Inguruko lagunen mugimendua ikusita edo, mono madarikatua deika hasi zaigu beste behin, eta kantu berriak lantzen dihardugula, jendaurrean aritzeko datak zehazten hasiko gara apurka apurka.

Beste alde batetik, nahiz eta oraingoan ez epe ezta inolako muga zehatzik jarriko ez dugun arren, jakin badakigu 2010ean abesti bilduma berri bat grabatuko dugula nola edo hala.

Orain bai, laster arte!

MENAGE A TROIS

2008-12-30T14:11:00.001-08:00

Espero baino askoz zailagoa gertatu zaigu ditxosozko erabakia hartzea. Herren gelditu ginen eta hile hauetan zehar saiatu gara hoberen egokituko zitzaiguna aukeratzen. Musikaria baino gehiago pertsona. Baina konturatu gara ez dagoela bete beharreko hutsunerik. Duela zortzi urte inguru hirurok abian jarri genuen talde hau, eta hirurok jarraituko dugu. Urteetan lehenengo aldiz benetan nahi duguna egiteko unea heldu zaigu, eta honexek motibatzen gaitu gehien aurrera egiteko, gauzak gure erara egin ahal izateak, eta aterik itxi gabe, hori egiteko modurik onena formatu honekin delakoan gaude.

Kantu berriak egiten hasiak gara eta apurka apurka bada ere ideiak etenik gabe datoz. Hala ere ez daukagu zuzenekoak alde batera uzteko asmorik. Errepertorioa moldatuko dugu hurrengo egunetan, baita era akustikoan ere, eta taula gainean gure burua frogatzeko nahia daukagu urte berri honetan zehar.

Proiektu berriak zehaztu ahala jakinaraziko dugu.

Laster arte.

AGUR ETA OHORE

2008-12-01T02:08:00.000-08:00

Gogo eta gorputzaren zilbor hesteak, Baztan, Txoria txori, Haika mutil, Izarren hautsa... baino ondare handiagorik ez du errez beste inork utziko. Binilo zaharretan bilatu beharko dugu hemendik aurrera.

EZINBESTEKOAK

2008-11-29T01:42:00.000-08:00

Egunotan aurkeztu eta kaleratu berri diren harribitxi bi: POG MO THONen "Oztopo Guztien Gainetik" eta AKATUren "Kateak". Biak ere Durangoko azoka famatuan salgai aurkituko dituzue. Gure ustez erosi beharrekoak. Esan dugu.

ARRAKASTA ARRASTAKA

2008-11-04T02:53:00.000-08:00

Beste edozerren gainetik, larunbatean Urondofestean batu ginen lagun koadrilaren arteko giro itzela azpimarratu nahiko genuke. Hala ere, Biok, Akatu edo Kautaren kantu berriak kontzertuan gozatzea, Pog Mo Thon eta Akaturen disko berriak entzun ahal izatea, gu geu hirukoan aritzea, edota Pi L.T.ren bertsio bat Xanperekin batera jo ahal izateak ez du parekorik. Zenbat barre, izerdi, garagardo, salto, argazki, lelokeri eta momentu ahaztezin eman dizkigun aurten ere egun honek. Eskerrik asko partehartu eta etorri zineten guztioi eta... hurrengo urterarte!

URONDOFEST '08

2008-10-26T08:32:00.000-07:00

Astebete baino ez da falta aurtengo Urondofesterako. Iazko arrakastaren ondoren hurrengo urteetan errepikatu beharreko ezinbesteko zita bihurtu da. Azaroaren 1ean izango da, noiz bestela? eta Biok, Pog Mo Thon, Akatu, Boys Of Byrle, Kauta, Ero, Noizeanbehin eta beste hainbat lagun elkartuko gara eguerditik Mungian, behar den moduko poteoarekin Gatikako Urondo aterpetxean egingo den bazkarirako sabelak prestatuz. Ondoren nahi duen talde zein esperimentuk jotzeko aukera eukiko du eta alkoholak gauak berak baino gehiago itsutu aurretik, Mungiara itzuliko gara parranda hasi, jarraitu eta amaitzera.

Kontzertuetara gonbidaturik zaudete... ez da inor bizirik irtengo!

ONDO IBILI HEGOI!

2008-08-06T09:06:00.000-07:00

Duela hilabete batzuk erabakia hartu zuen arren, ordurako hitzartuta genituen kontzertuak egin arte jarraituko zuela esan zuen Hegoik. Amaitu zaizkigu konpromisoak eta azken urteotan gure baxujole izan dena agurtzeko ordua heldu da. Nostalgiko jarri gabe oroitzapen asko utziko dizkigu, onak, hobeak eta era guztietakoak... behar den moduko baxujole guztiak bezala, tipo xelebrea. Bere eguneroko bizitzan zenbait gauza beste batzuk baino pisu gehiago hartzen hasi dira, eta musika ezinbesteko zaion arren, taldeak lehentasuna izateari utzi dio, gainontzeko betebeharrekin uztartzea ezinezko bihurtuz.

Gelditzen garen hiruroi ez zaigu inondik inora taldea uztea burutik pasatu ere egin, eta dagokigun irtenbidea aukeratzeari ekingo diogu orain.

MUDANTZA

2008-05-05T03:06:00.000-07:00

"Con la musica a otra parte" esaten da gazteleraz. Lokal berri batetan gaude atzotik. Arraroa egiten da, nahiz eta gure betiko txokotik hurbil dagoen, baina sano desberdina da. Gurea egin beharko dugu apurka apurka. Espero dugu honek aldaketa gehiago ere eragitea. Onerako.

'DISKOA ESTIMULUA IZAN DA GURETZAT'

2008-03-19T04:13:00.000-07:00

KANTU LANDUAGO ETA ERAGINKORREKIN OSATU DUTE NOIZEAN BEHIN BIZKAITARREK 'ARAZI' BIGARREN DISKOA

Bi urtean bi disko. Noizean Behin taldekoek ez dute denborarekin jolas egiten. Arazi izena jarri diote bigarren lanari eta jauzi nabarmena egin dute, kantu landuagoak eta lelo egokiagoak. Rockaren eta metalaren arteko mugan aurki daitezkeen zenbait eragin barneratu dizkiote. Baina mugarik ez da musikan, ezta proposamen kontuetan ere. Eskuak zabalik dauzkate eta eragingarri izan nahi dute, Noizean Behin baino gehiago direla aditzera eman. Arkatz bati balioa eman diote: arazteko, parte hartzeko. Hona hemen arkatz horrekin emandako erantzunak.
1 Inoiz kontatu ez nizkizunak lehen diskoa atera, kontzertuak eman, abesti berriak konposatu, grabatu eta disko berria kalean. Etenik izan al duzue?
Guztira ia bi urte igaro dira, baina ziztu bizian joan zaizkigu. Barrura begira, ordea, asko ikasi dugu. Tarte honetan, 45 kontzertu inguru eskaini ditugu, talde askorekin, egoera eta leku askotan, eta horrek zabaldu egin gaitu. Esperientzia horiek nola edo hala ateratzen hasi behar genuen, eta erronka berriak ezarri gure buruari. Denbora faltak eta epe estuek estutu egin gaituzte ahal izan dugun guztia eskaintzeko, eta horrek badu isla Arazi diskoan. Lana esku artera heldu zaigun arte ez dugu atsedenik izan.
2 Arazi izena darama bigarren lan honek. Eslogan gisakoa da. Baina zein esanahi eman nahi izan diozue?
Diskoa estimulu bat izan da guretzat, eta horixe helarazi nahi diogu jendeari. Ez da agindu bat inolaz ere, dei bat da, pizgarri bat akaso, irudimena erabiltzeko, gauzak dudan jartzen ausartzeko, zerbait egiteko... Baina mezu honekin ezin dugu esanahia itxi. Hartzaileak interpretatu eta osatu behar du.
3 Hamar kantu. Rock-metal eremuan kokatzen direnak, baina ukitu zeharo desberdinekin. Melodikoak, gordinak eta zainduak. Esfortzu handi baten emaitza?
Oso gustuko dugu musika egitea, eta, hortaz, zama arina da, baina lan handia dago emaitza honen atzean. Presiopean eraginkorragoak gara, zoritxarrez, eta oraingoan dezente izan dugu. Erronka berriak jarri dizkiogu geure buruari, gauzak beste era batera egin nahi izan ditugu. Bagenekien atera beharrekoak desberdina izan behar zuela, eta gure muga propioak, era guztietakoak, gehixeago zabaldu ditugu.
4 Rock, metal, stoner... Horrela deskribatu zaituztete diskoetxekoek. Egia esan, rock-metal taldeen fenomenoa dezente hedatu da gurean eta zuek badituzue detaile bereziak. Hala ere, eragin aldetik PiLT zahar zein berrien kutsua nabari da abesti batzuetan... edo ez?
PiLT hurbilekoak ditugu eta hasieratik ezagutu eta miretsi izan ditugu. Denbora, 3 eta Minus diskoetan grabaturik utzi zutena izugarria da. Sekula ez da masa talde bat izan, eta horrek ere seguruenik haien unibertso berezi hori elikatzen lagundu du. Musikari apartak izateaz gain, berritzaileak izan dira, eta beti euren burua gainditzen saiatu izan dira. Agian zerbait itsatsi zaigu.
5 Ziur ez duzuela talde bat gehiago izateko asmorik...
Hori pentsatu nahi dugu. Saiatzen gara, behintzat, gauzak gure erara egiten, gure nortasuna aurkitzen eta eraikitzen. Oraindik asko dugu ikasteko eta bizitzeko, eta ziur gaude gehiago egiteko gai garela.
6 Kanpotik begiratuta, ordea, hiru ezaugarri nabarmendu daitezke: grabazioa, masterizazioa eta diseinua. Goazen pixkanaka. Grabazioa berriro Mungiako Lamiña estudioetan egin duzue, Natxo Libertyrekin batera. Badirudi Natxoren lana agertzen ari dela Euskal Herriko taldeetan.
Aurreko diskorako urtebeteko lanketa egin genuen Natxorekin, eta harreman oso ona sortu zen. gainera, ekoizle eta teknikari modura oso ona deritzogu, eta Lamiña estudioan tresneria izugarria dauka. Gurekin buru-belarri inplikatu izan da, eta aurreko esperientziarekin, argi genuen Natxo behar genuela gure ideiak borobiltzeko. Urte batzuk daramatza jada estudioan eta gauzak gero eta hobeto egiten ari da.
7 Masterizazio lana urrun egin duzue: Kanadan. Dave Horrocks soinu teknikariak egin du lana, Infinite Wave estudioetan. Zer dela eta? Izen bat gehitzeko diskoari edo profesionaltasunaren bila?
Natxok lehendik ere ezagutzen zuen Horrocksen esku ona, eta grabazioan lortutako emaitza ikusirik, haren ustez merezi zuen, kapritxo modura bazen ere, soinua borobiltzeko azken ukitu hori ematea. Haren erabaki eta proposamenekin konfiantza handia dugu, eta Kanadakoa aukeratu aurretik, guztira 3 masterizazio proba entzun genituen. Gainontzekoak ez ziren gai guk bidalitakoari ezer gehitzeko; Daven lana, ordea, nabarmendu egiten zen.
8 Diskoak zerbait deigarria badu, hori diseinua da. Kartoizko estalkia, diskoaren kaxa biluzia eta arkatz famatua. Izango du bere zentzua.
Diskoa ezin genuen herren utzi diseinuaren aldetik, eta Igotz Ziarretarengana jo genuen, lan txukun bat egiteko. Diskoaren kontzeptuaren inguruko burutapen guztiak azaldu eta zenbait ideia proposatu genizkion. Emaitza berak diskoaren mezuaz egin duen interpretazioa da, eta uste dugu helarazi nahi genuena ezin hobeto islatu duela. Diseinuak hartzaileak guztiz barneraturik dauzkan ohiko hainbat eskema apurtzen ditu, eta ekarpena bere egiteko aukera eta tresnak eskaintzen dizkio. Gainera, estetika hutsari erreparatuz gero, txukuna eta eraginkorra da. Horretan Josu Torrealdayren argazkiek ere zerikusi handia izan dute.
9 Compact Disc delakoaren etorkizuna kolokan dagoela diote. Akaso diseinuarekin jolastea teknika egokia da euskarriak irauteko?
Ikusten da euskarri modura indarra galtzen ari dela, batez ere produktu gisa ulertuta. Baina zalantzan jar dezakegu hilik ote dagoen ala ez. Oraindik nahiko lotuta gaude formatu honetara, eta beste era batera begiratuta, egitura herdoilduak berritzeko gaitasuna oraindik badagoela argi dago.
10 Disko honekin ere, Baga Biga diskoetxearen babesa izan duzue. Garrantzitsua da laguntza izatea edo posible ikusten duzue aurrera begira autoekoizpenean ere ondo aritzea?
Musika mundua eta ezinbestean loturik dakarren musika industria aldaketa prozesu baten murgildurik daude. Denok ikusten dugu mugitzen ari dela, baina ez daukagu argi nora. Bitartean aukera asko ari dira sortzen, eta orain arte bide bakarra egon izan den lekuetan, bidezidor ugari zabaldu dira. Gure errealitaterako esango nuke autoekoizpena dela eredurik zentzuzkoena, baina oraindik posible zaigun artean, Baga-Biga diskoetxearen laguntza eskertuko dugu. Harremana oso zuzena eta hurbilekoa da, konfiantzako jendea dugu eta buruhauste asko kentzen dizkigute.
11 Amaitzeko, abesti batean diozuen bezala, zergatik zabaldu besoak etorkizunari ?
Iraganetik ateratzen dugun irakaspenik argiena zera delako, ikasten jarraitu behar dugula aurrera egiteko, eta hori da gure xedea. Haratago joateko gai ez garenean, honek zentzua galduko du.

DISEINUAREN IRAULTZA
Azken boladan, disko hutsetik haratago joateko, diseinuaren indarra baliatu dute hainbat taldek. Noizean Behin taldeak, esaterako, gauza deigarria egin du Arazi lanaren mamia biltzeko. Diseinua: Igotz Ziarreta (deabruk.com estud!oa)

Matraka 2008ko urtarrilaren 9tik 15era

ZARATA

2008-01-07T01:59:00.001-08:00

mondosonoro

Noizean Behin
"Arazi"
Baga Biga
***

Doinu metalikoen mugan kokatzen dugun diskoa da hau. Asko heldu da taldearen doinua lehen diskoarekiko, eta hori kantuak lantzeko moduan nabari daiteke eta doinu gogorrak lantzen badituzte ere badu melodiak bere lekua "Ezer izan" bezalako kantuetan. "Hitzik ez dago" gogortu egiten da beranduago "Zurekin banago" balada grunge doinuetara gerturatzeko. Askotariko eraginak banda honen lan berrian, diseinu erakargarri batekin laguntzen dutena: kartoizko azal grisak babestuta, arkatz batekin dator ale bakoitza. Irudimenari helduta estimulu bezala aurkezten digu taldeak disko berria.

Arkaitz Villar

www.kaputt.nb

2008-01-05T02:18:00.000-08:00

Atzo, Urtarrilak 4, urte berria ondo hasteko, orain arte gure web orria izan dena itxi digute. Aspalditik arazoak izan ditugu serbidore, dominio eta horrelako putekeriekin, eta ez digute inolako erreztasunik jarri konpondu ahal izateko. Ahalik eta arinen saiatuko gara .net, .org, .nb edo dena delakoa sortzen, baina bitartean blog honen bitartez kaleratuko ditugu taldearen ingurukoak. Beste alde batetik, e-mail helbideak ere desagertuko dira web orriarekin batera, beraz idaztera animatzen denak, noizeanbehin@gmail.com helbidera egin dezala momentuz. Kaka pilo bat aruba.it-eko kabroientzat!

ZENBAITEN IRITZIZ

2008-01-02T08:37:00.000-08:00

matraka

'Arazi'
[Noizeanbehin]
Baga Biga Musika Ideiak

Gatikakoen bigarren lana da hau. 2006aren hasieran argitaratu zuten lehenengoa: ...inoiz kontatu ez nizkizunak... Aurrerapauso garrantzitsua izan zen diskoa taldearentzat, eta lanerako gogoa piztu zitzaien. Bigarren diskorako, Kanadara joan dira masterizazioa egitera. Infinite Wave estudioetan egin du lan hori Dave Horrock musika ingeniariak. Ez du soinu makala lortu. Ondo zaindutako lana antzematen da disko guztian. Diseinua bitxia da: kartoizko kaxa grisean dator diskoa, eta barruan, azalaren alboan CD guztiei hutsik gelditzen zaien lekuan, arkatz bat dauka. Ezingo dugu erabili diskoa txikitzen ez badugu, baina hortxe dago. Arazi esan gurako du, agian, arkatzak ere: idatzarazi, kantatarazi... Rock indartsua egin dute disko honetan, baina melodiek ere leku handia dute kantuetan. Gitarrak dira diskoko protagonista nagusiak. Heavy kutsuetaraino astintzen dituzte batzuetan, baina ez da hori nagusiki jasoko dugun musika estiloa. Hara eta hona dabil diskoa, baina beti rocka du oinarrian. Tarteka stoner ukituak ere baditu. Hamar kantu guztira. Talde baten heldutasunerako bidea eta garapena erakusten duten hamar kantu, dudarik gabe.

la mirada negra

NOIZEAN BEHIN
(Arazi)
6´5/10

Noizean Behin han conseguido editar una segunda obra bastante diferente a su debut “...Inoiz Kontatu Ez Nizkizunak...”. En vez de ahondar en lo hecho en su carta de presentación, la banda vizcaína ha optado por mantener una base que les puede hacer reconocibles, pero evolucionando hacia un sonido más directo y compacto. El título del álbum te puede decir mucho de lo que luego vas a encontrar en su interior. Temas de una duración media de tres minutos, en los que encontramos contundentes riffs apaciguados por ciertos arreglos y por la voz tendente a la melodía de una manera continua, pero siempre manteniendo una potencia omnipresente en todos los cortes.

A pesar de esa simpleza en las estructuras de las canciones y de que cortes como “Ezer Izan”, “Zurekin Banago” o “Ahab” los vas a acabar tarareando en pocas escuchas, el disco se asimila mejor con un poco más de recorrido. Algo que se mantiene de su primera obra. Por eso hay temas como “Inertzia” o “Eraiki, Ireki”, que han terminado siendo de mis favoritas, aunque en principio me quedara con algunas de las mencionadas anteriormente.

Simplificando las cosas Noizean Behin consiguen huir de comparaciones. Esto es solo un disco de metal. El ver algo más allá de eso depende de cada uno. Puede tener una pega, que puede hacerse un tanto lineal, pero la corta duración del disco sale en su beneficio en este caso. Es un pasito más en una carrera que aparentemente puede dar mucho más.

ANTONIO REFOYO

"EL BOLO FEROZ"

Noizean Behin - Arazi (Baga-Biga 2007)

Procedentes de Gatika, donde se
juntaron en 2001, Noizean Behin
escribe una brillante página dentro
del nuevo metal euskaldun de
manos de éste, su 2º disco: un trabajo de metal de alta
gama, rugoso y contundente pero imbuido de pegadizas
melodías; un CD integrado por diez composiciones con cuerpo pero fibrosas y
ágiles a un tiempo, temas que nos pueden recordar a bandas como Eraso! –por
momentos- y que tan pronto te arañan los tímpanos como te acarician el interior;
cosa, como ya hemos sugerido, de su especial raigambre metálica, envolvente y
de lo más melódica pese a la rotundidad guitarrera esgrimida. A ver si tienen
suerte y con temas como Inertzia o Ahab logran abrirse camino: en ello están.

J. ÓSCAR BEORLEGUI

AZOKAN IKUSIA

2007-12-11T03:47:00.000-08:00

Joan da hau ere. Eta aurten sentipen kontraesankorrekin irten gara Landakotik, bai standaren alde batean zein bestean. Badugu zer hausnartu hurrengo urterako. Hotzean begiratuta baina, pozik egoteko moduan gaude. Bisita ugari izan dugu, bitxiak, lagunak, ezezagunak... bertatik besapean "Arazi"rekin irten zaretenoi, zuena egin dezazuen eskatu nahi dizuegu. Eta batez ere, goza dezazuela. Guk egiten dugu.

"ARAZI" EGUNKARIETAN

2007-11-21T23:58:00.000-08:00

GARA:

Baga Biga edita el segundo título de Noizean Behin, orientado hacia el metal contemporáneo
El grupo de Gatika Noizean Behin acaba de presentar «Arazi», un cedé de corte metálico con melodías cuidadas y el thrash como fondo. Diez canciones intensas arropadas por un curioso y elegante diseño.

Pablo CABEZA | BILBO

Noizean Behin ya tiene girando su nuevo disco, «Arazi», álbum de diez canciones donde el toque thrash se ajusta al metal del siglo XXI. Sonido tenso, pero suavizado por un meritorio esfuerzo melódico. «Arazi» prolonga la historia musical iniciada con «...inoiz kontatu ez nizkizunak...», álbum de 2006 con el que iniciaron la conquista del territorio metálico, espacio no exento de serias barreras.

Noizean Behin se formó en Gatika en 2001, localidad donde ensayan habitualmente; sin embargo, el único gatikarra es Ander (batería), mientras que Ibai (guitarra) y Hegoi (bajo) son de Mungia, aunque este último estudia y vive en Donostia. Finalmente, Alex (guitarra y voz) reside en Bilbo.

«Arazi» es fiel al metal, pero generoso en matices y texturas. Resultado justo tras seis años de síntesis, ganas y trabajo. «Nos gustan demasiadas cosas como para cerrarnos a un estilo concreto. Las diferentes historias van cada vez más rápido y las modas son muy fugaces, así que aunque somos jóvenes hemos vivido ya unas cuantas oleadas de estilos desde los 80 hasta aquí y, además, cada uno de nosotros tiene su universo musical», matiza Ibai, quien añade: «Nos hemos quitado unos cuantos complejos y prejuicios estilísticos de encima y hemos querido plasmar lo que surgía de esa unión sin forzar nada».

¿Metallica, Pantera? ¿Ekon, Neubat? Ibai precisa las distancias. «Parece que por edad debería de ser Pantera, puesto que lo vivimos de pleno, pero lo cierto es que Metallica supone mucho más que cualquier otra banda para nosotros. Ekon y Neubat son dos grupos que representan distintos momentos en nuestra vida, y dos grupos que nos gustan, así que sí creo que nuestra propuesta pueda encajar entre ellos, aunque nos dejaríamos muchos matices en el tintero», concreta Ibai, mientras ondea en el aire «Arazi».

BERRIA:
Entzulearen notaren zain

Noizean Behinek lan berria atera du, aurrekoaren ildoari jarraituta: melodiari tartea egiten dion rock metalikoa
Irune Berro

Bilbo

Arkatz bat dakar Noizean Behin taldearen disko berriaren estalkiak, «entzuleak lana osa dezan». Diseinuaren aldetik, zerbait berria egin nahi zuten, halaber. «Disko bat ateratzeko ereduak hain daude ezarrita eta barneratuta... Diskoaren azalean arkatz bat jartzeak eskemak hausten ditu», adierazi du Ibai Altzaga gitarristak. Duela urte bi atera zuten aurreneko diskoa, eta Euskal Herrian barrena 40tik gora kontzertu eman ondoren, bigarrena duten lana jarri dute plazan, Arazi.

Baga-Biga diskoetxearekin argitara eman dute hori ere. Eta Ritxi Aizpuru Baga-Bigako kide berriak adierazi duenez, Noizean Behinen azken lanak «rockaren alderdirik indartsu eta boteretsuena» jorratzen du. Aizpururen irudiko, «rock gordina» egin du taldeak, «nahiz eta abesti batzuetan gitarrek heavyaren bidea hartu duten».

Nolanahi ere, Noizean Behinen abestietan melodiek indarra dutela nabarmendu du Aizpuruk. «Talde barruan dauden kolore eta sentiberatasunak adierazteko, eta multzoan sinesteko modua da». Noizean Behineko kideak «musikaren bila» bizi direla dio Baga-Bigako editoreak. Eta abestietan, gizakiaren norabidearen inguruko galderak egiten dituztela esan du. «Giza kondizioaren gaineko hausnarketa egiten dute».

MASTERIZAZIOA, KANADAN. Disko batetik bestera eduki duten urte eta erdi «frenetikoan» ikasitakoa lan berrira eraman dutela azaldu du Altzagak. «Zenbat eta gutxiago jakin, uste duzu gehiago dakizula, eta ikasten hasitakoan gutxiago dakizula iruditzen zaizu». Hori kontuan hartuta, beste talde batzuekin jotzearekin eta bizi duten esperientziarekin asko ikasi dutela esan dute taldeko musikariek.

Natxo Liberty teknikariarekin grabatu dute Arazi diskoa, Mungiako Lamina estudioan. Masterizazioa, berriz, Dave Horrock soinu ingeniariak egin du, Kanadako Infinite Wave estudioan.

«Zenbat eta gutxiago jakin uste duzu gehiago dakizula, eta ikasten hastean, gutxiago dakizula iruditzen zaizu»

IBAI ALTZAGA

NOIZEAN BEHIN TALDEKO MUSIKARIA

"ARAZI" kalean!!

2007-11-20T11:32:00.000-08:00

"ARAZI" KALEAN DA

Gaur goizean azaroak 20 aurkeztu dugu gure bigarren lana "ARAZI" izenekoa Baga-Biga zigiluaren eskutik. Bertan Baga-Bigako Ritxi Aizpuruk diskoaren inguruan azlapenak eman eta gero, taldeak gerturatu diren komunikabideen galderei erantzun du, diskoaren ekoizpena, konposizioa eta bestelako norabideak azalduz, "Arazi"-ren diseinu bitxia ahaztu gabe eta nola ez, horren errudun eta asmatzaile diren Igotz Ziarreta diseinuan eta Josu Torrrealday argazkietan ahaztu gabe.

Eskerrik asko hurbildu zareten guztioi, bihotzez.

Espero dugu zuek ere noizeanbehinaraztea!!

Eskerrik asko.

AURKEZPENA

2007-11-16T06:00:00.001-08:00

EUP!

Dagoeneko diskak heldu dira eta prentsaurrekoa egiteko data finkatuta dago baita ere,"ARAZI"-ren aurkezpena, datorrren asteartean ,azaroak 20, izango da eguerdiko 12etan Bilboko SAGAEren egoitzan.

ARAZI

2007-11-01T17:29:00.000-07:00

Laster kalean izango da gure bigarren diskoa "ARAZI" izenekoa. Diskoa Hamar kantaz osatuta egongo da, hamar kantu berri non ikusten dan "inoiz Kontatu ez nizkizunak" diskoa kaleratu genuenetik taldeak izandako ibilbidearen eragina eta bizitako esperientziek markatu dutenak.

Disko honetan nahiz eta estiloaren aldetik, "noizeanbehin" izaten jarraitu dugun etiketak jartzeko lana zailago bihurtu da 10 kantu hauetan oso estilo ezbererdinen eraginak nabaritu ahal bait dira.

Diska maiatza eta ekainean ekoiztu grabatu eta nahastu egin zuen Natxo Liberty teknikariak Mungiko"Lamina Producciones"estudioan. Masterizazioa Kanadako "infinite Wave Studios"-en egin da Dave Horrocks igeniaria izanik.

Diskaren alde estetikoena ere maitasun haundiz landu nahi izan dugu eta horretarako disenuetan Igotz Ziarreta eta argazkietan Josu Torrealdayren laguntza, lan, gogoak eta lan ordu askorekin kontatu ahal izan dugu.

"ARAZI" BAGA-BIGA Musika Ideiak zigiluaren eskutik kaleratuko da baita ere gure lehenengo lana bezela eta prentsaurrekoa eta aurkezpen ofiziala laster izango da, nahiz eta data zehatza oraindik konfirmatu gabe egon.

Laster arte!!